---

SKRÁNINGU ER LOKIÐ Í FORRITUNARKEPPNI FRAMHALDSSKÓLANNA. ALLS HAFA 44 LIÐ SKRÁÐ SIG TIL LEIKS

---

Sjáið liðin sem búin eru að skrá sig fyrir keppnina hér.

Undirbúningur fyrir keppnina er hafinn. Keppnin verður haldin í Háskólanum í Reykjavík helgina 9. - 10. mars.

Forritunarkeppnin er keppni fyrir alla nemendur í framhaldsskólum sem hafa áhuga á hönnun, forritun og tölvum.

Keppnin fer fram laugardaginn 10. mars í Háskólanum í Reykjavík. Föstudaginn 9. mars munu keppendur hittast í HR þar sem fyrirkomulag keppninnar er skýrt og þeir fá úthlutað vinnuaðstöðu. Þar gefst einnig gott tækifæri til að kynnast öðrum keppendum. Laugardaginn 10. mars hittast keppendur kl. 08:00 og fá sér morgunmat. Keppnin sjálf hefst kl. 09:00 og stendur fram á kvöld. Skoðið keppnissíðu 2012 til að sjá þau lið sem nú þegar hafa skráð sig til leiks og til að sjá fyrirkomulag keppninnar sem og þau lógó sem hafa borist.

ATHUGIÐ BREYTT FYRIRKOMULAG KEPPNINNAR.....

Leonard Hofstadter-deildin

Fyrir hádegi leysa keppendur mörg smá verkefni (sömu verkefni og í Sheldon Cooper-deildinni). Eftir hádegi leysa keppendur eitt stórt verkefni sem reynir á tæknilega færni, hugsanlega með notkun grafísks notendaviðmóts, gagnagrunns og vefforritunar. Keppendur hafa sveigjanleika við útfærslu verkefna í síðari hluta keppninnar.   

Fyrir hádegi leysa keppendur mörg smá verkefni (sömu verkefni og í Leonard Hofstadter-deildinni). Eftir hádegi leysa keppendur fá en heldur stærri verkefni sem reyna á rökhugsun og útfærslu á lausnaraðferðum.

Howard Wolowitz-deildin
er fyrir nemendur sem eru byrjendur en hafa áhuga á að kynna sér forritun. Aðstandendur keppninnar vilja fá sem flesta nemendur til að taka þátt í þessari deild, t.d. nemendur sem hófu nám í forritun nú í haust.

Skráðu lið frá þínum skóla - fyrir 4. mars 2012

 Lið þarf að tilkynna þátttöku í síðasta lagi 4. mars. Þátttökutilkynning þarf að vera samþykkt af tengilið viðkomandi skóla og þátttakendum í liðinu. Skráning mun fara fram á www.forritun.is. Allar fyrirspurnir er hægt að senda á sma@ru.is.  

 Til mikils að vinna

 Veitt verða fjölmörg verðlaun í keppninni:

• Besta lið hverrar deildar úr heildarniðurstöðu 1. - 3. sæti
• Frumlegasta lausnin ef tilefni er til
• Besta lógó liðanna